Pages

വിത്തുപാകാൻ പുതിയ നിലങ്ങൾ തേടിയുള്ള യാത്ര ... നിങ്ങളെയും ഞാൻ ക്ഷണിക്കുന്നു.

14 Mar 2016

''ഛെ.... ക്ലീഷേ....''

പെയ്തിറങ്ങിയ മഴത്തുള്ളികള്‍ ഊര്‍ന്നിറങ്ങുന്ന കാപ്പിതോട്ടത്തിന്‍റെ ഇടവഴിയിലൂടെ നടന്നുനീങ്ങുമ്പോള്‍ തോനുന്ന ആനന്ദവും,രാവിലെ കുളിക്കാന്‍ പോകുന്ന കുളത്തിന്‍റെ തണുപ്പും തന്ന് ഒരായിരം പ്രതീക്ഷകളുടെ അല്ലെങ്കില്‍ സ്വപ്നങ്ങളുടെ മാരിവില്ലുകള്‍ വീശുന്ന പ്രഭാതങ്ങളും...
''ഛെ.... ക്ലീഷേ....''
വര്‍ണ്ണനകളില്‍ മാത്രമല്ല....
ജീവിതം മിക്കവരിലും ഇങ്ങനെ ക്ലീഷേ ആവര്‍ത്തിക്കുകയാണ്...

ഉച്ചക്ക് എത്താനുള്ള സ്ഥലം....
ഇന്റര്‍വ്യൂ ....
കഞ്ഞികുടിക്കാന്‍ ഇരിക്കുമ്പോള്‍ ചിലപ്പോള്‍ കിട്ടിയേക്കാവുന്ന അമ്മയുടെ തലോടല്‍....
ഇന്ന് കൃത്യമായി സമയം  തെറ്റുന്ന ബസ്സ്....
ഇന്റര്‍വ്യൂ  സമയത്തെ വെപ്രാളം...
ജോലി കിട്ടില്ലെന്ന് ഉറപ്പിക്കാന്‍ ഓഫീസര്‍മാര്‍ നടത്തുന്ന ഒഴിവുകേടുകള്‍...
അയച്ചിട്ട ടൈ...
അലക്ഷ്യമായി കയ്യില്‍ ഒതുക്കിയ ഫയല്‍....
എന്തായാലും വന്നതല്ലേ, ഒരു സിനിമ കണ്ടിട്ടു പോകാമെന്ന തീരുമാനം...
വൈകുന്നേരത്തെ ആര്‍ത്തിപൂണ്ട തട്ടുകട...
ദുഃഖമുണ്ടെങ്കിലും പ്രതീക്ഷയുടെ വിത്തുകള്‍ വീണ്ടും മുളപ്പിക്കുന്ന മനസ്സ്...

ജീവിതം  ഇങ്ങനെ അതിന്‍റെ ക്ലീഷേ എഴുതുമ്പോള്‍, ചിലര്‍ക്ക് കിട്ടുന്ന അവാര്‍ഡുകളായി ചുരുങ്ങുന്ന സ്വപ്നങ്ങള്‍...
ഇങ്ങനെയൊക്കെ തന്നെ അങ്ങ് പോകാന്നേ...
അതല്ലേ അതിന്‍റെ ഒരു സുഖം....

1 comment: