സ്വപ്നങ്ങൾ

സ്വപ്നമിങ്ങനെയായിരുന്നു ...
പാർട്ടികൾ പിളർന്നു ...

സ്വപ്നങ്ങൾക്ക് കപ്പമില്ല!

കോടികൾ താഴ്ന്നു ...
വിലകൾ കുത്തനെ കുറഞ്ഞു-
കരച്ചിലില്ല...അലച്ചിലും !
വാർത്തകൾക്ക് ക്ഷാമം ...
ക്യാമറകൾ ഉടഞ്ഞു ...
വിപ്ലവങ്ങൾ കുറഞ്ഞു
തത്വങ്ങളില്ല !
തത്തകളും ...
ചെറുചിരാതുകൾ മിഴിതെളിച്ചു!
വഴികൾ തെളിഞ്ഞു ,
കരകൾ ഉണർന്നു -
..............
കട്ടിലിൽ ഞാൻ ഞെട്ടി ഉണർന്നു...
പത്രം കണ്ടുവീണ്ടും ഞെട്ടി!
സ്വപ്നങ്ങളെല്ലാം പ്രാതലായി... 
സ്വപ്നങ്ങൾക്ക് കപ്പമില്ല!

ഓർമ്മകൾ തീരില്ല ...

വൈകി കിട്ടുന്ന കത്ത്,
ഒറ്റയ്ക്കുള്ള യാത്ര...
പൊട്ടിച്ചിരിപ്പിച്ച കൂട്ടുകാരാൻ-
കണ്ണീർ വീഴ്ത്തിയ ചങ്ങാതി ,
വഴിയിൽ കണ്ട അപരിചിതൻ...
തോളിൽ തലോടിയ ടീച്ചർ!
സായാഹ്ന നേരത്തെ കുശലം...
സ്കൂൾ മുറ്റത്തെ ചങ്ങാത്തം!
അമ്മ പറഞ്ഞ പൊടി കഥകൾ ...
അപ്പൻ കൊണ്ടുവന്ന അപ്പാപ്പം!
........
ഓർമ്മിച്ചെടുക്കാനാണെങ്കിൽ-
ഓർമ്മകൾ മാത്രം ...
ഓർമ്മകൾ തീരില്ല!